Geridə qoyduğumuz il həm də bəzi futbolçuların sürətli eniş yaşaması ilə əlamətdar oldu.

''Football-plus.az'' xəbər verir ki, bu futbolçuların da ilk ''10-luğ''una nəzər salaq. Siyahıya ''Qalatasaray''ın da gündəmində olan PSJ-nin forvardı Randal Kolo Muani başçılıq edir. Baş məşqçi Luis Enrike ilə yola getmədiyi üçün gününü ehtiyatda keçirən fransalı forvardın dəyəri 40 milyon avro azalaraq 30 milyon avroya bərabər olub.

Viktor Osimhen ''Qalatasaray''da heç də pis performans sərgiləməməsinə baxmayaraq siyahıda ikinci pillədədi. İl ərzində onun dəyəri 35 milyon avro azalaraq 75 milyon avroya bərabər olub. 3-cü pillədə isə Leroy Sane qərarlaşıb. ''Bavariya'' və Almaniya yığmasının vingeri də 35 milyon avro geriləyib və indiki dəyəri 45 milyon avroya bərabərdi. O, ''10-luq''da yer alan üç ''Bavariya''lıdan biridi.

Digər pillələrdə isə bu futbolçular qərarlaşıb: Qabriel Martinelli (Arsenal) - 55 milyon avro (30 milyon avro dəyərdən düşüb), Kinqsli Koman (Bavariya) - 35 milyon avro (30), Neymar (Əl-Hilal) - 15 milyon avro (30), Milan Şkrinyar (PSJ) - 15 milyon avro (30), Federiko Kyeza (Liverpul) - 25 milyon avro (28), Coşua Kimmix (Bavariya) - 50 milyon avro (25), Kristofer Nkunku (Çelsi) - 50 milyon avro (25).

ƏLİ