“Sevilya” Juninyo transferini təxirə sala və ya gündəmindən çıxara bilər” – bu şərtlə...
“Sevilya”nın “Qarabağ”ın hücumçusu Juninyonu tramsfer etmək niyyətində olduğunu xəbər vermişik.
Xatırladaq ki, La Liqa təmsilçisi “köhlən atlar”a göndərdiyi ilk təklifin qəbul edilməməsindən sonra geri çəkilib. Klub hələ yenilənmiş şərtlərlə növbəti təkliflə çıxış etməyib.
“Football-plus.az”ın məlumatına görə, “Fichajes” nəşri proseslə bağlı son məlumatı oxucularıyla bölüşüb. Xəbərdə qeyd olunur ki, ağdamlıların “Sevilya”nın 2 milyon avro təklifini qəbul etməməsi, Juninyo üçün 5 milyon avro tələb etməsi danışıqları dalana dirəndirib:
“Juninyo “Qarabağ” üçün çox vacib futbolçudu. Bu üzdən Azərbaycan komandasının daha çox pul tələb etməsi normaldı. Lakin “Sevilya” həmin məbləği Juninyo üçün ödəməkdə maraqlı görünmür. Klub artıq Enes Ünal (“Bornmut”, İngiltərə) və Umar Sadiqlə (“Real Sosyedad”, İspaniya) danışıqlara başlayıb. Komanda hazırda Sadiqlə anlaşmaq üzrədi. Bu transfer baş tutsa, “Sevilya” Juninyo transferini təxirə sala və ya gündəmindən çıxara bilər”.
KƏNAN BAHADIR
Digər xəbərlər
