Almaniyanın 2-ci bundesliqasında çıxış edən “Nürnberq”in yaşadığı xaos, gözlənildiyi kimi, yerli mətbuatın gündəmini zəbt edib. Ona görə ki, əfsanəvi hücumçu Miroslav Klozenin rəhbərlik etdiyi komanda hücumlarda “dişsizdi”. Belədə lazım olan qollar vurulmur və hadisələrin axarı ya məğlubiyyət, ya da heç-heçə ilə nəticələnir.

“Fopotball-plus.az” xəbər verir ki, komandanın qış fasiləsi ərəfəsində keçirdiyi matçlarda yaşadığı uğursuzluqlar problemin daha da qabardılmasına səbəb olub. Həmçinin klubun ciddi maliyyə böhranıyla üzləşməsi də vəziyyəti çıxılmaz həddə gətirib. Hətta son 7 matçda cəmi bir qələbə qazanan komandanın çalışdırıcısı belə deyib:

Klozenin heyətdə görmək istəmədiyi oyunçuların siyahısını rəhbərliyə təhvil verdiyini yazmışdıq. “Bild” bu məsələylə bağlı yeni bilgilər əldə edib. Nəşrin iddiasına görə, siyahıda 7 futbolçu var. Bunlardan birinin Stefanos Tzimas olduğunu daha əvvəl xəbər vermişik. Əslində mütəxəssis onunla yolları ayırmağın doğru addım olmadığını düşünür. Lakin klubda icarə əsasında çıxış edən yunanıstanlı “Çelsi”dən təklif alıb və komandadan ayrılmaq istəyir. Klubun maliyyə gücü isə onunla mövcud müqavilənin müddətini artırmağa bəs etmir. Siyahıdakı digər adlarla tanış olaq: Taylan Duman, Kanji Okunuki, Benjamin Qoller.

“Bild” hələ qalan üç oyunçunun adını öyrənə bilməyib. Yəni həmin siyahıda həmyerlimiz Mahir Emrelinin adının olub-olmadığı bilinmir. Lakin nəşrin ehtimalına istinadla deyə bilərik ki, bizimki qış fasiləsində “Nürnberq”dən ayrılmayacaq. Almaniyalı həmkarlarımız iddiasını belə əsaslandırır:


Mahir hazırda ölkəmizdədi. Onun yanvarın 3-də Almaniyaya qayıdacağı gözlənir. Ona görə ki, komandası 4-də klubun bazasında bir araya gələcək. Bir gün sonra start götürəcək təlim-məşq toplanışı bir həftə davam edəcək. “Nürnberq” yanvarın 12-də iki yoxlama matçı keçirəcək və bununla hazırlıq prosesinə yekun vurulacaq.

KƏNAN BAHADIR