“Bütün səfər oyunları bizim üçün çətin olur. Rəqib komandanın həmişə bir üslubuna hazırlaşırdıq. Birdən-birə sistem dəyişikliyi etdilər. Komanda gözləmədiyimiz formada meydana çıxdı. Buna baxmayaraq, çoxlu qol vəziyyəti yaratdıq. Qol vura bilməməyimiz bizi çətinə saldı. Gözləmədiyimiz anda öz qapımıza qol vurduq. Futbolçular sona qədər vuruşdular. Sonda rəqibin qapısından qol keçirib, hesabı bərabərləşdirdik. Bu oyunda qələbə qazanmaq istəyirdik. Təəssüf ki, alınmadı. 3 xalı qazanmaq üçün qol vurmaq çatmadı. Təxminən 8-10 qol vəziyyətimiz oldu. Qapıçı qurtarışları, qapı dirəyi mane oldu. Futbolçularımız da bir az ruhdan düşdü. Hücum xəttində soyuqqanlılıq çatmadı. Mövsümdən əvvəl ilk “3-lüy”ə düşmək planımız var idi. Heyətimiz kasaddı. Bu da maliyyə ilə bağlı problemdi. Əlimizdən gələni edirik. Orta xətt oyunçusu zədələnərsə, həmin mövqeyə oyunçu tapa bilmirik”.