Qvardiola oyunçuları bayramı bazada keçirməyə məcbur etdi!
Xosep Qvardiola komandasını daha öncə heç vaxt yaşamadığı böhrandan çıxarmaq üçün daha öncə heç vaxt əl atmadığı üsullara əl atır.
Bu gün məlum olduğu kimi premyer-liqada 18-ci tura start verilir. Yerli vaxtla saat 12.30-da açılış oyununda ''Mançester Siti'' ''Everton''u qəbul edir. Bu oyundan öncə ünlü mütəxəssis futbolçuları bazada gecələməyə məcbur edib! Yəni ''Siti''nin oyunçuları Milad bayramını öz ailələri ilə birlikdə yox klubun bazasında keçiriblər. Təbii ki, oyunöncəsi mətbuat konfransında Qvardiolaya bu mövzuda suallar verilib. Onun cavabı belə olub:
''Düşdüyümüz vəziyyət bizim hər birimiz üçün yeni bir durumdu. Amma mən görürəm ki, futbolçular bu durumu düzəltmək üçün məşqlərdə əvvəlkindən də çox can qoyurlar. İnsanlar bizim əvvəlki qədər qaçmadığımızı, mübarizə aparmadığımızı söyləyirlər. Amma problem baş məşqçi və ya oyunçularda deyil. Problem bir çox xırda və ya böyük detallardadı. Həmin detallar üzündən biz əvvəlki kimi yaxşı təsir bağışlaya bilmirik. Ümid edirəm ki, futbolçular Milad bayramını burda keçirməkdən zövq aldılar. Çünki bu, bizim işimizdi''.
Xatırladaq ki, ''Siti'' son 12 rəsmi matçın cəmi 1-də qalib gəldiyi halda, 9-dan məğlubiyyətlə ayrılıb. Komanda hazırda premyer-liqada liderdən 12 xal geridədi.
ƏLİ
Digər xəbərlər
