Qvardiola ''Everton''dan da çəkinir
''Mançester Siti''də ağlasığmaz eniş davam edir.
Son 4 ildə İngiltərədə rəqib tanımayan Xosep Qvardiolanın komandası indi tanınmaz haldadı və son 12 rəsmi matçın cəmi 1-də qələbə qazanıb. Turnir cədvəlində 7-ci pilləyə qədər geriləyən ''Siti'' artıq zirvədən 12 xal geri düşüb.
Sabah premyer-liqada 18-ci tura start veriləcək. Açılış oyununda ''Siti'' ''Everton''u qəbul edəcək. Təbii ki, ''şəhərlilər'' aşkar favorit sayılır və komandanın nəhayət, böhrandan çıxacağını proqnozlaşdırmaq olar. Amma Qvardiola rəqibin hazırda pis formada olmadığına diqqət çəkərək bunları deyib:
''Everton'' İndi bizim üçün heç də ideal rəqib deyil. Amma hər şey özümüzdən və ən yaxşı performansımıza nə qədər tez dönəcəyimizdən asılıdı. Artıq vaxt itirməməliyik. Mümkün qədər tez nəticə qazanmağa başlamalıyıq. ''Everton'' hazırda yüksəlişdədi. Son oyunlarda əldə etdikləri nəticələr belə düşünməyə əsas verir''. '
'Everton'' premyer-liqada son 6 oyundan 1 qələbə, 4 heç-heçə, 1 məğlubiyyətlə ayrılıb. Amma komanda daha çox müdafiə planında diqqət çəkir.
Mersisaydlılar bu 6 oyundan 5-də qol buraxmayıblar. 4 heç-heçənin hamısında 0:0 hesabı qeydə alınıb. Siyahını bir qədər də genişləndirsək, görərik ki, ''Everton'' premyer-liqada son 12 matçın cəmi 1-də 1-dən artıq qol buraxıb.
Təsadüfi deyil ki, bu mövsüm ''Everton'' ''Siti''dən daha az top buraxıb.
ƏLİ
Digər xəbərlər
