"Turan Tovuz"un futbolçusu Faiq Hacıyev cərrahiyə əməliyyatı olunub.

"Football-plus.az" xəbər verir ki, sol qasıq kanalında yırtıq diaqnozu qoyulan futbolçunun əməliyyatı uğurlu keçib. İstanbulda Türkiyə xəstəxanasında baş tutan əməliyyatdan 2 gün sonra Havcıyev ev şəraitində mülicəyə buraxılacaq. O, həkimlərin rəyindən asılı olaraq təxminən bir həftə sonra fərdi məşqlərə başlaya biləcək.

Qeyd edək ki, 25 yaşlı müdafiəçi bu mövsüm 18 oyuna çıxıb, 2 qol vurub və 2 qolun ötürməsini verib.