Ukrayna futbolunun nəhəngləri hesabat turunda fərqli nəticələrlə yadda qaldı.

“Dinamo”nun son vaxtlar “yollarda qaldığını” nəzərə alsaq, “Levıy bereq” üzərindəki inamlı qələbə alqışlanmalıdı. Təsəvvür edin ki, kiyevlilər son bir həftədə ölkə çempionatında “Rux”la oynadı, ardından Hamburqa yollanaraq Avropa Liqasının oyununda “Latsio” ilə qarşılaşdı, ordan dönərək “Levıy bereq”i darmadağın etdi və yenidən Almaniyaya getdi. “Dinamo” cümə axşamı AL çərçivəsində “Hoffenhaym”la qarşılaşacaq.

“Şaxtyor” isə cari mövsümdə 3-cü dəfə xal itirdi. Özü də autsayder “Veres”lə oyunda. Sudakovun penaltidən vurduğu qolla irəli çıxan “şaxtaçılar” 81-ci dəqiqədə hesabın bərabərləşməsinə mane ola bilmədilər. Rovnodakı oyunun ilk yarısı boyunca favorit rəqib qapısına bir zərbə də vurmadı. Dərin böhran yaşayan “Şaxtyor”un iki cəbhədə mübarizə aparmağa gücü çatmır. Bu üzdən liderlərlə xal fərqini yaranması təbiidi.

Liderlərdən söz düşmüşkən, zirvənin iki sahibi var. Hesabat turunda “Krivbass”ı məğlub edən “Aleksandriya” “Dinamo” qədər xal toplayıb. Emil Mustafayevin formasını geydiyi “Polesye” də liderləri izləməkdədi. Jitomirlilər səfərdə “Karpatı”nı məğlub etdi. Soydaşımız meydana start heyətində çıxdı və 56-cı dəqiqədə əvəzləndi.

Turun qalan oyunlarına gəlincə, “İnqulets”i 2:1 hesabıyla məğlub edən “Obolon” sonuncu pilləni bu komandaya verdi. LNZ ardıcıl 3-cü oyunda 1:1 hesablı heç-heçə ilə kifayətləndi. “Rux” – “Kolos” oyununda isə qolsuz heç-heçə qeydə alındı. Maraqlıdı ki, “Rux” ilk 7 oyunun altısında qapısının toxunulmazlığını qoruyub.

8-ci tur
Levıy bereq – Dinamo 0:3
Mixavko, 8. Brajko, 61. Rubçinski, 90+1.
Dinamo: Buşan, Vivçarenko, Karavayev, Mixavko (Belovar, 64), Popov (Dyaçuk, 89), Braqaru (Voloşin, 64), Brajko (Mixaylenko, 71), Buyalski, Rubçinski, Yarmolenko (Kabayev, 46), Gerrero.

Veres – Şaxtyor 1:1
Klyots, 81 – Sudakov, 64-p.
Şaxtyor: Riznık, Bondar, Konoplya, Matviyenko, Pedro Enrike (Şved, 85), Bondarenko, Krıskiv, Pedrinyo (Zubkov, 46), Sudakov, Neverton, Traore (Eginaldo, 72).

Krivbass – Aleksandriya 0:1
Filippov, 45.

Karpatı – Polesye 1:3
Miroşniçenko, 19 – Kruşinski, 18. Qutsulyak, 45+1. Nazarenko, 70.

Obolon – İnqulets 2:1
Qruşa, 58. Blizniçenko, 85 – Kozak, 90.

LNZ – Çernomorets 1:1
Momo, 42 – Yanakov, 82.

Rux – Kolos 0:0

Zarya – Vorskla 2:0
Budkivski, 45. Cordan, 85.

1. Dinamo 7 6 1 0 14-3 19
2. Aleksandriya 7 6 1 0 13-5 19
3. Polesye 7 5 2 0 16-5 17
4. Şaxtyor 7 4 1 2 19-8 13
5. LNZ 8 3 3 2 9-8 12
6. Rux 7 3 3 1 13-3 12
7. Zarya 8 4 0 4 8-9 12
8. Krivbass 7 3 2 2 6-6 11
9. Vorskla 8 2 3 3 8-12 9
10. Karpatı 8 2 2 4 10-14 8
11. Çernomorets 8 2 1 5 4-9 7
12. Kolos 8 1 4 3 5-7 7
13. Levıy bereq 8 2 0 6 4-12 6
14. Veres 8 1 3 4 7-12 6
15. Obolon 8 1 2 5 4-19 5
16. İnqulets 8 0 4 4 6-14 4

Bombardirlər: Nazarenko (Polesye) – 7, Qutsulyak (Polesye) – 5.

Növbəti turun oyunları oktyabrın 4-6-sı aralığında keçiriləcək:Çernomorets – Obolon, Karpatı – İnqulets, Veres – Zarya, Aleksandriya – Rux, Kolos – Levıy bereq, Polesye – Vorskla, Şaxtyor – LNZ, Dinamo – Krivbass.