“Dinamo” ilə “Aleksandriya” arasında bir həftə əvvəl keçirilən oyunda qeydə alınan qolsuz heç-heçə hər iki baş məşqçini razı salmışdı.

Bu dəfə isə kiyevlilərin çalışdırıcısı Aleksandr Şovkovski sevinir. Axı onun komandası zirvəyə şərik olan “Aleksandriya”nı darmadağın etdi. Ədalət naminə deyək ki, bu hesab oyunun axarını əks etdirmir. Təkcə elə Kovalets “Dinamo”nun qapısına 2-3 qol vura bilərdi. Kiyevlilər təhlükəli vəziyyətlərdən daha yaxşı yararlanmaqla böyükhesablı qələbə qazandı. “Aleksandriya”nın 20 oyunluq məğlubiyyətsiz seriyasına da son qoyuldu.

Son 10 oyunda qələbəyə həsrət qalan “Levıy bereq” bu seriyanı LNZ ilə oyunda qırdı – 3:1. “Çernomorets”in qonağı olan “Krivbass” da eyni hesabla qələbə qazandı. Tverdoxleb ardıcıl 4-cü oyunda fərqləndi. “Veres”i darmadağın edən “Karpatı” həm bu komandanın 10 oyunluq məğlubiyyətsiz seriyasını qırdı, həm də cari mövsümdəki ən böyükhesablı qələbəni qazandı. “Kolos” – “Obolon” oyunu qolsuz bitdi. Krivoy-Roqda keçirilən “İnqulets” – “Zarya” oyunu ilk yarıdan sonra (bu vaxt hesab 1:0 idi) dayandırıldı və hava həyəcanı siqnalına görə yarımçıq qaldı. 2-ci hissə gələn il oynanılacaq. Bu oyunun nəticəsi turnir cədvəlində nəzərə alınmayıb.

Son oyunda “Polesye” evdə “Rux”a uduzdu. Emil Mustafayev ehtiyatda qaldı.

16-cı tur
Dinamo – Aleksandriya 3:0
Popov, 36. Vanat, 42; 55.
Dinamo: Buşan, Vivçarenko, Mixavko (Dyaçuk, 83), Popov, Tımçik, Brajko, Buyalski (Rubçinski, 83), Voloşin (Karavayev, 72), Mixaylenko, Vanat (Gerrero, 72), Kabayev (Dubinçak, 78).

Levıy bereq – LNZ 3:1
Dedux, 31-p.; 58. Sidnney, 90+2 – Dedux, 6-öz qapısına.

Çernomorets – Krivbass 1:3
Skıba, 34 – İliç, 41-p. Mikitişin, 45. Tverdoxleb, 80.

Karpatı – Veres 5:0
Çaçua, 3; 54. Podlepenets, 19. Bruninyo, 66. Ustimenko, 90+2.

Kolos – Obolon 0:0

İnqulets – Zarya 1:0
Voloxatı, 38.

Polesye – Rux 0:1
Krasnopir, 31.
“Şaxtyor” – “Vorskla” oyunu (3:1) dekabrın 5-də keçirilib.

1. Dinamo 16 12 4 0 36-11 40
2. Aleksandriya 16 11 4 1 25-11 37
3. Şaxtyor 15 10 3 2 41-14 33
4. Krivbass 15 8 4 3 20-13 28
5. Polesye 16 6 6 4 23-16 24
6. Karpatı 16 7 3 6 22-19 24
7. Rux 16 5 8 3 20-11 23
8. Veres 16 4 7 5 17-23 19
9. Zarya 15 6 1 8 16-19 19
10. LNZ 16 5 3 8 17-25 18
11. Vorskla 16 4 4 8 15-24 16
12. Kolos 16 2 9 5 9-12 15
13. Levıy bereq 16 3 4 9 8-20 13
14. Çernomorets 16 3 3 10 10-23 12
15. Obolon 16 2 5 9 7-28 11
16. İnqulets 15 1 6 8 12-29 9

Bombardirlər: Qutsulyak (Polesye), Vanat (Dinamo) – 9.