Reşford ''Yunayted''dən ayrılacağı ilə bağlı xəbərlər haqda nə dedi?
Ötən həftə Mançester derbisində adı iştirak ərizəsinə salınmayan Markus Reşford bu qış ''Mançester Yunayted''i tərk edəcəyi ilə bağlı yayılan iddialara münasibət bildirib. Son günlər İngiltərə mətbuatında ''Yunayted''in bu futbolçunu satışa çıxarmaq qərarına gəlməsi barədə çoxsaylı şayiələr yayılıb.
Bu qərar yeni baş məşqçi Ruben Amorim və klubun sahibi Cim Retkliff tərəfindən birlikdə qəbul olunub. ''Yunayted''in öz yetirməsi olan 27 yaşlı vinger əsas komandada 10-cu mövsümünü keçirir. Amma onun həftəlik qazancının 365 min funt sterlinq olduğunu nəzərə alsaq, hazırda Avropada Reşfordu ala biləcək futbolçuların sayı çox deyil. Bu mövsüm 24 rəsmi oyunda 8 qol, 3 məhsuldar ötürmə ilə fərqlənən futbolçu bunları deyib:
''Fikrimcə, karyeramın növbəti mərhələsinə və yeni çağırışlara hazıram. Ayrılarkən heç bir inciklik olmayacaq. Yəni məndən ''Yunayted'' barədə aqressiv, xoş olmayan sözlər gözləməyin. Mən məhz bu cür insanam. Vəziyyətin onsuz da yaxşı olmadığını bilirəm. Ona görə də durumu daha da gərginləşdirmək istəmirəm. Keçmişdə bəzi futbolçuların necə qalmaqalla ayrıldığını görmüşdüm. Mən onlardan biri olmaq istəmirəm. 10 ilə yaxındı, premyer-liqada oynayıram. Bu müddət ərzində həm şəxsiyyət, həm də futbolçu kimi böyüdüyümü düşünürəm. Geridə qalan illərlə bağlı heç bir təəssüf hissi keçirmirəm. İnsanın həyatında bəzən yaxşı, bəzən pis günlər olur. Mən bunların arasında balans tapmağa çalışıram. Söz sözümü deməmişəm və karyeramın daha yaxşı dönəmi hələ irəlidədi. Buna 100 faiz əminəm. Mənim mentalitetim məhz bu cürdü''.
ƏLİ
Digər xəbərlər
