DJ Sun, "Bizon şou" və uduşlu lotoreya... - "Saatlı-Araz" azarkeşlərinə jest etdi
"Araz-Saatlı" bu gün 2-ci liqanın 13-cü turunda “Sheki City”ni qəbul edəcək.
"Football-plus.az" xəbər verir ki, artıq saat 12.30-dan etibarən Saatlı Olimpiya İdman Kompleksinin stadionunda DJ Sun-un iştirakı ilə möhtəşəm “Bizon şou” əyləncəli proqramı təşkil olunub.
Görəsən, belə tədbirin keçirilməsini kim irəli sürüb? Stadiona yetəri qədər azarkeşin gəlməsi mümkün olacaqmı? Bu sualları “Saatlı-Araz”ın prezidenti Ədalət Abdullayevə ünvanladıq:
“Bu Futbolun İnkişaf Fondu və "Bizon"un birlikdə layihəsidi. Daha əvvəl Zaqatalada da olub, Şəkidə də olmasına cəhd göstəriblər. Növbəti də Saatlıda baş tutur. Oyundan sonra isə, uduşlu lotoreya keçiriləcək. Məqsəd stadiona daha çox azarkeş yığmaqdı. Saatlıda bu gün hava şəraiti də yaxşıdı. Ümumiyyətlə, azarkeşlərimiz çoxdu. Ötən il də oyunlarımıza yetəri qədər azarkeş gəlirdi. Düşünürük ki, bu oyunda da anşlaq olacaq”.
Qeyd edək ki, qarşılaşma saat 14.00-da start götürəcək.
ƏSƏD SEYİDOV
Digər xəbərlər
