La Liqanın 17-ci turunda ''Real'' kiçik Madrid derbisində ''Rayo Valyekano''nun qonağı oldu.

Mbappenin zədə üzündən oynamadığı, Vinisiusun isə ehtiyatda qaldığı qarşılaşma ''Kral klubu'' üçün heç də asan keçmədi. Karlo Ançelottinin komandası oyunun gedişində iki top fərqi ilə geridə olmasına baxmayaraq 3:2 önə keçməyi bacardı. Amma bu, qələbə üçün kifayət etmədi. Meydan sahibləri məğlubiyyətdən qurtulmağı bacardılar. 3:3-lük bərabərliyə razı olan ''Real'' son 3 turda ikinci dəfə xal itirdi.

Bundan başqa Madrid nəhəngi bu rəqibə qarşı ardıcıl 3-cü səfər oyununda qalib gələ bilmədi (2 heç-heçə, 1 məğlubiyyət). Ötən tur ''Jirona'' ilə səfər oyununda mövsümdəki ilk qolunu vuran Arda Gülər bu dəfə də özünü yaxşı tərəfdən göstərərək oyunun qəhrəmanlarından biri oldu. O, komandasının birinci və üçüncü qolunda aktivinə məhsuldar ötürmə yazdı.

Bununla da türkiyəli ulduz 19 yaş 293 günlüyündə XXI əsrdə ''Real''ın heyətində bir La Liqa matçında iki məhsuldar ötürmə verən ən gənc futbolçu oldu!

ƏLİ