''Qalatasaray''ın son vaxtlar zədələrdən başı açılmır. Mauro İkardini mövsümün sonuna qədər itirən ''Cim-Bom'' ən son Sivas səfərində Əbdülkərim Bardakcı, Kaan Ayhan, İsmail Yakobs kimi əsas müdafiəçilərsiz oynamaq məcburiyyətində qalmışdı.

İstanbul nəhəngi ''Sivasspor''u məğlub etsə də, oyun komandaya baha başa gəldi. Belə ki, daha iki önəmli futbolçu zədələndi. Söhbət Viktor Osimhen ilə Barış Alpər Yılmazdan gedir. Osimhen oyunun sonlarına yaxın ayağında ağrılar hiss etdiyi üçün Batşuayi ilə əvəzlənmişdi. Barış Alpər isə rəqibin albaniyalı hücumçusu Rey Manay tərəfindən çox qəddar bir kobudluğu məruz qalmışdı. Hakimin hətta epizodun təkrarını izlədikdən sonra da Manaya qırmızı vərəqə göstərməməsi futbol ictimaiyyətində və sosial şəbəkələrdə çox böyük müzakirələrə səbəb olmuşdu.

Sağ ayaq əzələsini dartan Osimhen ən azı 2 həftəlik, sol ayağından xəsarət alan və meydanı xərəkdə tərk edən Barış isə ən azı 3 həftəliyə sıradan çıxıb. ''Qalatasaray''ı dekabrın 12-də Avropa Liqasında səfərdə ''Malmö'', dekabrın 16-da superliqada evdə ''Trabzonspor'' və dekabrın 22-də superliqada səfərdə ''Kayserispor''la oyunlar gözləyir. Hər iki futbolçunun bu oyunları buraxacağı gözlənilir. İkardinin ardından Osimhenin də sıradan çıxması üzündən Okan Burukun əlinin altında yalnız bir mərkəz hücumçusu qalıb. Qarşıdakı oyunlarda əsas qol silahı məhz Batşuayi olacaq. Təcrübəli belçikalı forvard bu mövsüm cəmi 3-ü start heyətində olmaqla 21 rəsmi oyunda forma geyib və 6 qol, 2 məhsuldar ötürmə ilə fərqlənib. Bu arada zədəli futbolçulardan biri - Əbdülkərim Bardakcı komanda ilə birlikdə məşqə çıxıb.

ƏLİ