“Xeyr, məşqçinin istefasını istəmirəm” – “Şamaxı”nın fanklubu
Son turda “Kəpəz”ə məğlubiyyət şamaxılı azarkeşləri hiddətləndirdi.
Onlar cari mövsümdə ilk dəfə “Şamaxı”nın baş məşqçisi Ayxan Abbasovu istefaya səslədilər. Bu məsələ ilə bağlı “Şamaxı” nın hazırda yeganə fanklubu sayılan qadınlardan ibarət “Legal eagles”ın mövqeyini öyrənməyə çalışdıq.
Qrupun rəhbəri Mehriban Məmmədova “Football-plus.az” a açıqlamasında istefa şüarı ilə yanaşı, tribunalarda yer almamasına da aydınlıq gətirdi:
“Xeyr, məşqçinin istefasını istəmirəm, düşünürəm ki, klubun vəziyyəti yaxşılaşacaq. Turnirimiz olduğu üçün oyunlara gedə bilmirik. Ancaq əlimizdən gələn qədər kluba dəstək olmağa çalışırıq”.
Qeyd edək ki, Ayxan Abbasov oyunsonrası mətbuat konfransında “azarkeşlər üzülür”, - deyə onlara haqq qazandırıb.
AYGÜN MİRZA
Digər xəbərlər
