“Şamaxı” niyə dəstəksiz qalıb? – “Ora gedib-gəlmək bir az problemdi”
Yenicə premyer-liqaya qayıdan “Şamaxı” dəstəksiz qalıb.
Komandanı tək qoyan “Sektor 56”dan niyəsini öyrənə bilmirik. İki turda gözümüzə görünməyən biri də “şirlər”i hələ ötən mövsümdən dəstəkləyən qadın azarkeş qrupu “Legal Eagles”di. Futbola heç də yad olmayan insanlar “Şamaxı”nı nə “Sabah”, nə də “Araz-Naxçıvan” ilə qarşılaşmada dəstəklədi. Bəs qadın azarkeş qrupunu bundan sonra komandanın oyunlarında görə biləcəyikmi?
Bu sualla “Legal Eagles”in aparıcı üzvlərindən Mehriban Məmmədovaya müraciət etdik. Onun “Football-plus.az”a cavabı:
“Təbii ki, komandanı bu mövsüm də dəstəkləyəcəyik. Sentyabrda İtaliyada yarışda iştirak edəcəyik. Ona görə ora intensiv hazırlaşırıq. Həftədə 3 dəfə məşqlərimiz olur. Ötən tur elə bilirdik ev oyunudu, Şamaxıya getdik. Planlaşdırıb qrup şəklində yollandıq, sonra uşaq futbol klubu ilə oynayıb qayıtmalı olduq. Şamaxıya gedib-gəlmək məsələsi bir az problemdi, amma Bakıdakı görüşlərdə gedib dəstək olacağıq”,
RÖYANƏ OĞUZ
Digər xəbərlər
