Qəribəlik: “Turan Tovuz” pulsuz giriş elan etdi, azarkeşi azaldı!
Ölkə kubokunun 1/8 final oyununda “Turan-Tovuz”un “Sabah” a uduzduğunu xəbər vermişdik.
Tovuz klubu azarkeşlər üçün jest edərək, həmin oyuna bilet satmamışdı, arzulayan hər kəs sərbəst şəkildə stadiona keçə, komandaya dəstək verə bilərdi. Amma maraqlıdı ki, ölkə çempionatı çərçivəsində Tovuzda keçirilən son oyunla (24 noyabr. Turan Tovuz – Sabah, 4500 tamaşaçı) oyunla müqayisədə azarkeş sayı yarım dəfə azaldı. Oyunu tribunalardan 3000 azarkeş izləyib. “Football-plus.az” girişin pulsuz olmasının nə dərəcədə effekt verdiyi, çempionat oyunlarında da belə praktikaya əl atılıb-atılmayacağını öyrənmək üçün klubun mətbuat katibi Süleyman Tağıyevlə əlaqə saxlayıb:
“Tribunalar, həmişəki kimi, dolu və rəngarəng idi. Həftəiçi olduğuna görə belə qərar verildi. Çempionat oyunlarında bilet satışı davam edəcək. Qeyd edim ki, bizdə şəhid və qazi ailələrinin, eləcə də qazilərin stadiona girişi sərbəstdi. Onlar üçün xüsusi giriş və tribunada xüsusi yer var. Son oyundakı kimi qərar olarsa, öncədən rəsmən açıqlanacaq. Amma hələ ki çempionat oyunlarına bilet satışı davam edir”.
AYGÜN MİRZA
Digər xəbərlər
