“Turan Tovuz” “Qarabağ” üçün “şərəf dəhlizi" açacaq”?
“Qarabağ”ın dünən Tovuza yollandığını və şəhər sakinləri tərəfindən xüsusi şəkildə qarşılandığını xəbər vermişdik.
Bəs “Turan Tovuz” Ağdam təmsilçisinə münasibətdə hansısa jest edəcəkmi? Məsələn, komandalar meydana çıxanda “köhlən atlar” üçün “şərəf dəhlizi” açmaq olar. Bu mövzuya reaksiyalarını öyrənmək üçün “bozqurdlar”ın mətbuat xidmətinin rəhbəri Süleyman Tağıyevlə əlaqə saxladıq. Onun “Football-plus.az”a söylədikləri:
“Onsuz da biz istənilən komandanı qonaqpərvər şəkildə qarşılayırıq. “Qarabağ”a da, yəqin ki, xüsusi bir rəğbət olacaq. Dünən də oteldə komandanı gözəl şəkildə qarşılayıblar. “Turan Tovuz” tərəfindən xüsusi bir qarşılanma olacağı ilə bağlı dəqiq məlumatım yoxdu. Amma tribunalar tərəfindən xüsusi qarşılanmaq olacaq”.
Xatırladaq ki, “Turan Tovuz” - “Qarabağ” oyunu bu gün saat 16.00-da Tovuz şəhər stadionunda start götürəcək.
KAMAL SƏFƏR
Digər xəbərlər
