"Dəyərli, “Turan” ailəsi! Bildiyiniz kimi, vacib və məsuliyyətli bir yola çıxmışıq. Bu yolda ən böyük dəstəkçimiz məhz sizsiniz. Nəticədən, məsafədən, hava şəraitindən asılı olmayaraq komandamıza göstərdiyiniz dəstək bizim üçün çox dəyərlidi. Premyer-liqaya yüksəldiyimizdən bu günə azarkeş sayına görə lider olan, səfər oyunlarında əsl Tovuz ab-havasını yaradanlar da sizsiniz. Məlum olduğu kimi üç gündən sonra komandamız vacib oyuna çıxacaq. Bu oyunda ən çox sizin dəstəyinizə ehtiyacımız var. Odu ki, ölkə kubokunun 1/8 final mərhələsində keçiriləcək “Turan Tovuz” – “Sabah” oyununu azarkeşlərimizə həsr edir və stadiona girişi pulsuz edirik. 3 dekabr tarixində, saat 18.00-da başlayacaq oyunda yerinizi almağınızı və 12-ci oyunçu olaraq sona kimi komandamızı dəstəkləməyinizi xahiş edirik!"