"Komandamız çempionata böyük hədəflərlə başlayıb. Hədəf çempionluq və birinci liqada oynamaqdı. Əlimizdən gələni edirik ki, bu uğuru əldə edə bilək. 10 oyunda 10 qələbə yaxşı nəticədi. Amma bu yetərli deyil. Çempion olmaq üçün durmadan çalışmalıyıq. Biz komanda şəklində bütün rəqiblərə hörmətlə yanaşırıq. Bütün oyunlar bizim üçün final kimidi. Əsas rəqiblərimizdən biri "Şəfa" da məğlub olmur, bizdən 2 xal geridədi. Onlar da çempion olmaq istəyir. "Şimal" da yaxşı heyətə malik komandadı. Ümidvaram ki, sonda sevinən tərəf biz olarıq. Dekabrın 9-da ağır oyunumuz var. İki tur sonra Şamaxıda "Şəfa"nı qəbul edəcəyik. İkinci dövrə bundan da çətin olacaq. Bizi narahat edən məqamlardan biri meydançalardı. Ot örtükləri çox bərbaddı. Ümid edirəm ki, nə vaxtsa daha yaxşı meydançalar olacaq və daha baxımlı oyunlar izləyəcəyik. Hazırda komandamdakı hər futbolçudan razıyam. Verilən tapşırıqları düzgün yerinə yetirirlər. İstədiyim futbolu oynayırlar ki, nəticə də göz qabağındadı. Transfer məsələsinə gəlincə, bir-iki oyunçu əlavə etsək, kifayətdi. Maliyyə baxımından da problemimiz yoxdu. Rəhbərlik tərəfindən bütün şərait yaradılıb. Bütün rəqiblərə uğurlar arzulayıram. İmkanlarımız yetərincə normal səviyyədədi. Qalır başladığımız işi yaxşı tamamlamaq”.