"Çinar-Zəngilan" yetərincə güclü komandadı. Yarımfinalda "Marxal"a 5:1 hesabıyla qalib gəlməklə final çıxmışdılar. Digər çətinliyimiz isə uzaq yol qət etmək və azarkeş dəstəyinin olmaması idi. Odu ki, bizi həm güclü rəqiblə, həm də ağır səfər oyunu gözləyirdi. Qarşılaşmaya istədiyimiz kimi başlamadıq. Futbolçumuza qırmızı vərəqə göstərilməklə yanaşı, qapımıza 11 metrlik cərimə zərbəsi təyin olundu. Məyus idik. Lakin qapıçımızın qurtarışı bizim üçün motivasiya oldu. İrəli atılaraq qol fürsətləri yaratdıq. Fürsətlərdən ikisini qola çevirdik və bu bizi çempionluğa daşıdı. Mövsümün əvvəlində qarşımıza çempion olmaq hədəfi qoymuşduq, şükürlər olsun, istəyimizə çatdıq. Uşaqları və ürəyi bizimlə döyünən bütün Qusar camaatını təbrik edirəm. Turnirin ən yaxşı oyunçusu seçildiyimə görə də sevincliyəm. Bundan sonra da "Qusar"ın daha yaxşı çıxışı üçün əlimizdən gələni edəcəyik".

"Nəinki biz futbolçular, hətta bütün Qusar camaatının arzusudu ki, komandanın 1-ci divizionda çıxışına icazə verilsin. Peşəkar liqada oynamaqla qısa müddətə elitaya yüksəlmək istəyirik. Hazırda klub rəhbərliyi də əlindən gələni edir ki, "Qusar" 1-ci divizionda mübarizə aparsın. İnşallah, AFFA və PFL rəsmilərindən müsbət qərar gözləyirik. 1-ci divizionda çıxışımıza icazə verilməsə, yenə Region Liqasında əzmlə mübarizə aparacağıq".