Danimarkalı müdafiəçi Viktor Nelsson ''Qalatasaray''a başağrı olmaqda davam edir.

İstanbul nəhəngi bu mövsüm onun start heyətində meydana çıxdığı 6 qarşılaşmanın 5-də qələbəyə həsrət qalıb! Nelsson mövsümün əvvəlində həm superkubokda ''Beşiktaş''a, həm də Çempionlar Liqasında ''Yanq Boyz''a qarşı önəmli oyunlarda start heyətində meydana çıxmış və komanda uduzmuşdu.

Daha sonra 3:3-lük bərabərliklə yekunlaşan ''Kasımpaşa'' ilə oyunda da Okan Buruk bu futbolçuya ilk ''11-lik''də şans vermişdi. Ən son ''Alkmaar''la oyunda da Nelsson start heyətində şans qazandı və erkən buraxılan qolda səhvə yol verdi. Buruk fasilədə əvəzlədiyi bu futbolçunu oyundan sonra açıq-aşkar tənqid etdi.

Qeyri-adi bir şey baş verməsə, 26 yaşlı futbolçu ilə qış fasiləsində yollar ayrılacaq. Nelssona La Liqa təmsilçisi ''Betis'' ciddi maraq göstərir. Rəhbərlik bu satışdan ən azı 10-12 milyon avro gəlir əldə etməyi planlaşdırır.

Əslində bu futbolçunun hələ mövsümün əvvəlində ayrılması gündəmdə idi. Çünki hələ ötən mövsümün gedişində bəlli idi ki, Devinson Sançes ilə Əbdülkərim Bardakcı sağlam olduğu müddətdə Nelssonun oynamaq şansı olmayacaq. Bu futbolçu o qədər zəifləyib ki, Okan Buruk son vaxtlar rotasiyada klubun öz yetirməsi olan Metehan Baltacının xidmətindən daha çox istifadə edir.

''Qalatasaray'' bu mövsüm Nelssonun start heyətində oynadığı matçlardan yalnız səfərdə ''Konyaspor''u məğlub edə bilib.

ƏLİ