“Məncə, problemin həllinə reallıqla üzləşmək, Azərbaycanın harda olduğunu qəbul etməklə başlamaq lazımdı. Azərbaycan futbolunun çiçəklənməsi üçün adekvat, uzunmüddətli plan qurulmalıdı. Bu təhlil və planın həyata keçirilməsi ölkə futbolunun reallığını dərk edən insanların iştirakı ilə həyata keçirilməlidi. Hər bir ölkə, o cümlədən Azərbaycan özlüyündə spesifik mədəniyyətə malikdi və özünəməxsus plan tələb edir. Bu uzunmüddətli planda, məncə, ən böyük problem qısa müddətdə nəticə qazanmaqla bağlı düşüncə tərzindən qaçmaqdı. Unikal uzunmüddətli baxışın olmaması səbəbindən hər şey yalnız indiki zamanda qiymətləndirilir ki, bu da belə vəziyyətin yaranması ilə nəticələnir. Belə baxış bəlkə də əsas komanda səviyyəsində yaxşıdı, amma uşaq futbolunda dağıdıcı təsirə malikdi. Bu, Azərbaycan futbolunun acı reallığıdı. Gənc oyunçuların inkişafı sabitlik tələb edir. Uzun cavab üçün üzr istəyirəm, amma mahiyyət etibarı ilə hamımızın uyğunlaşması üçün ölkə futbolunda daha yaxşı futbol konteksti təmin edilməlidi. Bu, Azərbaycanı anlayan  insanların/ekspertlərin həll edə biləcəyi mürəkkəb problemdi. Problem konkret bir sahə - məsələn, infrastruktur deyil. Əlbəttə, infrastruktur baxımından da problemlər var, lakin bunun həlli özlüyündə hər şeyi həll etmir”.