Oveçkin fərqi azaltdı və sıradan çıxdı
“Vaşinqton”un kapitanı Aleksandr Oveçkin üçün “Yuta” ilə oyun həm yaxşı, həm də pis mənada əlamətdar olub.
İş ondadı ki, rusiyalı ulduz komandasının 6:2 hesablı qələbəsinə iki qolla töhfə verib və MHL tarixinə 100-cü dəfə dubl edən ilk hokkeyçi kimi düşüb. Amma o, baldır zədələsinə görə meydanı erkən tərk etməli olub. Klubun mətbuat xidmətinin yaydığı xəbərə görə, Oveçkin ən azı üç oyunu buraxacaq. 39 yaşlı rusiyalının cari mövsümdə keçirdiyi 18 oyunda 25 (15+10) xal topladığını da xatırladaq. MHL-də keçirdiyi 1444-cü oyunda qol sayını 868-ə çatdıran Oveçkin indi rekordçu Ueyn Qretskidən (894) cəmi 26 qol geri qalır. Bu arada “The Athletic” portalı MHL-də çıxış edən oyunçular arasında anonim sorğu keçirib. Suallardan biri isə belə belə olub: “Oveçkinin MHL-də qol sayına görə Qretskinin rekordunu yeniləməsini istəyirsizmi?” Hokkeyçilərin 98,1 faizi bu suala müsbət, 1,9 faizi mənfi cavab verib. Səsvermədə ümumilikdə 156 oyunçu iştirak edib.
MHL ilə bağlı daha bir yeni xəbər var. “Boston” rəsmi saytı vasitəsi ilə Cim Montqomerinin baş məşqçi postundan qovulduğunu açıqlayıb. Bu, 2024/25 mövsümündəki ilk məşqçi istefasıdı. Montqomerinin köməkçisi Co Sakko baş məşqçinin səlahiyyətlərini müvəqqəti yerinə yetirəcək. Klubun baş direktoru Don Suini 2022-ci il iyulun 1-dən “sükan arxasında” olan Montqomerinin istefası haqda danışıb:
“Bu gün mən baş məşqçi dəyişikliyi ilə bağlı çox çətin qərar verdim. Cim Montqomeri çox yaxşı məşqçi və ondan da yaxşı adamdı. O, kluba müsbət təsir göstərib. Buna görə Cimə minnətdaram. Onunla işləmək və ondan öyrənmək imkanımızı yüksək dəyərləndirirəm”.
Cari mövsümdə keçirdiyi 21 oyunun 12-də uduzan “Boston” Şərq konfransının turnir cədvəlində 8-ci yerdə qərarlaşıb.
19 noyabr
Boston – Kolambus 1:5 (0:3, 1:0, 0:2)
Filadelfiya – Kolorado 2:3 (0:0, 0:2, 2:1)
Monreal – Edmonton 3:0 (0:0, 1:0, 2:0)
Dallas – Anahaym 2:4 (0:2, 0:1, 2:1)
Yuta – Vaşinqton 2:6 (1:3, 1:1, 0:2)
San-Xose – Detroyt 5:4 ОТ (1:2, 2:1, 1:1, 1:0)
20 noyabr
Ottava – Edmonton 2:5 (1:3, 0:1, 1:1
Pittsburq – Tampa-Bey 2:3 ОТ (1:0, 1:0, 0:2, 0:1)
Sent-Luis – Minnesota 2:4 (0:1, 1:0, 1:3)
Vinnipeq – Florida 6:3 (2:0, 1:1, 3:2)
Çikaqo – Anahaym 2:3 (1:1, 1:0, 0:2)
Kalqari – Aylenders 2:1 Б (0:0, 0:1, 1:0, 0:0, 1:0)
Vankuver – Reyncers 3:4 (2:2, 1:1, 0:1)
21 noyabr
Filadelfiya – Karolina 1:4 (0:1, 1:0, 0:3)
Toronto – Veqas 3:0 (1:0, 0:0, 2:0)
Dallas – San-Xose 5:2 (1:1, 2:0, 2:1)
Sietl – Neşvill 3:0 (0:0, 1:0, 2:0)
Los-Anceles – Baffalo 0:1 (0:0, 0:0, 0:1)
22 noyabr
Boston – Yuta 1:0 (0:0, 1:0, 0:0)
Kolambus – Tampa-Bey 7:6 ОТ (1:3, 4:2, 1:1, 1:0)
Detroyt – Aylenders 2:1 (0:1, 0:0, 2:0)
Nyu-Cersi – Karolina 4:2 (1:1, 1:0, 2:1)
Ottava – Veqas 2:3 (0:1, 0:1, 2:1)
Vaşinqton – Kolorado 1:2 (1:0, 0:1, 0:1)
Sent-Luis – San-Xose 3:2 Б (1:1, 1:0, 0:1, 0:0, 1:0)
Çikaqo – Florida 3:1 (1:0, 1:1, 1:0)
Kalqari – Reyncers 3:2 (1:0, 1:2, 1:0)
Edmonton – Minnesota 3:5 (1:1, 1:3, 1:1)
Digər xəbərlər
