Portuqaliya futbolunda ciddi insident baş verib.

Ölkə kubokunun 4-cü mərhələsində keçirilən “Moreyrense” – “Portu” matçından sonra xoşagəlməz hadisələr yaşanıb.

“Portu” 1:2 hesabı ilə uduzaraq ölkə kubokunda mübarizəni dayandırıb. Yeri gəlmişkən, Vitor Brunonun çalışdırdığı komandanın Portuqaliya çempionatındakı çıxışı da əla sayıla bilməz: “Portu” lider “Sportinq”dən 6 xal geri qalaraq 2-ci yeri tutur. Ölkə kubokundakı uğursuzluq fanatları yamanca qəzəbləndirib.

“Portu” Moreyra de Koneqos şəhərindən doğma “Draqao” stadionuna qayıdarkən məşqçi və futbolçu heyətini azarkeşlər qarşılayıblar. Fanatlar məğlubiyyətin acığını komandanın avtobusuna hücum çəkərək məşəllər atmaqla çıxıblar.