Portuqaliya çempionatının 14-cü turu ciddi insidentlə sona çatıb.

"Football-plus.az" xəbər verir ki, “Portu”nun baş məşqçisi Serxio Konseysao “Sportinq”in idman direktoru Uqo Vyana ilə dava edib. Matç “Sportinq”in 2:0 hesablı qələbəsi ilə başa çatıb. Oyundan sonra Konseysao “Sportinq”in idman direktoru ilə danışmaq qərarına gəlib. Onlar arasında qısa fikir mübadiləsindən sonra əlbəyaxa dava başlayıb. Hər iki komandanın üzvləri tərəfləri ayırmalı olublar.

“Sportinq” son 7 ildə ilk dəfə “Portu”ya qalib gəlib. Paytaxt komandası hazırda 34 xalla Portuqaliya çempionatının turnir cədvəlinə başçılıq edir. “Portu” 31 xalla 3-cü yerdədi.