“Karvan”ın qalib gəlməsini istəyirəm” – Rüfət Quliyev niyə belə dedi?
“1-ci liqada nə qədər iddialı komanda olsa, çempionat da bir o qədər maraqlı və baxımlı olar”.
Bu sözləri “Football-plus.az”a Rüfət Quliyev dedi. Təcrübəli mütəxəssis sabah 8-ci tur çərçivəsində keçiriləcək “Karvan” – “Qəbələ” matçından bəhs etdi:
“Hər iki komanda yetərincə güclü və iddialıdı. Həm Yevlax, həm də Qəbələ təmsilçisi premyer-liqaya yüksəlmək istəyir. Düzdü, sabah qələbə qazanan tərəf bu yöndə müqəddəratını həll edə bilməz. Hələ qarşıda uzun marafon var. Komandalara uğurlar arzulayıram. Amma tam səmimi deyim ki, “Karvan”ın qalib gəlməsini istəyirəm. Yenə də güclü olan qazansın. Ümidvaram ki, gərgin oyun izləyəcəyik”.
Rüfət bəy yevlaxlı azarkeşlərin dəstəyinin “Qəbələ”nin öz oyununu göstərməsinə mane olmayacağını dedi:
“Qəbələ” premyer-liqa təcrübəsinə malik klubdu. Heyətində çox təcrübəli futbolçular var. Dəfələrlə belə ab-havada meydana çıxıblar. Azarkeş təzyiqinin qonaqların performansına ciddi təsir edəcəyini düşünmürəm”.
Qeyd edək ki, oyun saat 14.30-da başlayacaq.
KƏNAN BAHADIR
Digər xəbərlər
