Kənan Kərimov “Karvan”dan gedir?
Bir müddət əvvəl 1-ci liqa klublarından “Karvan”ın baş məşqçi dəyişikliyi edəcəyinə dair xəbərlər yayıldı.
Yevlax təmsilçisinin bu addımı atmasına səbəb kimi hədəflərin reallaşdırılmaması göstərilir. Vaxtilə premyer-liqa təmsilçisi olmuş klub 5-ci yerlə kifayətlənmək istəmir.
Bəs bölgə təmsilçiylə baş məşqçi arasında danışıqlar olubmu? Dəqiq məlumat əldə etmək üçün Kənan Kərimova sual ünvanladıq. O, qəzetimizə açıqlamasında bir neçə təklif aldığını qeyd edərək, bunları dedi:
“Bir neçə klubdan təklif almışam. Amma qərar verdim ki "Karvan"da qalım. Çünki hələ burda görüləcək iş çoxdu".
Təcrübəli mütəxəssis cari mövsüm üçün heyətdə ciddi dəyişiklik edəcəyini də vurğuladı:
“Çempionat hələ yenicə yekunlaşsa belə, bu yondə hərəkətə keçmişik. Bir neçə futbolçuya təklif göndərmişik. Yəqin ki, bir həftə ərzində transferlərə başlayacağıq. Demək olar, bütün mövqelərdə dəyişiklik ediləcək. Heyətin 50 faizi əvəzlənəcək. Növbəti mövsüm üçün daha perspektivli komanda qurmağı hədəfləyirik”.
RÖYANƏ OĞUZ
