“İki yox, 12 oyunçumuz da olmasa, Estoniya kimi zəif rəqibi məğlub etməliyik” – Erkin İbrahimov
Yığmamız sabah Millətlər Liqasının 5-ci turu çərçivəsində Estoniyanı qəbul edəcək. Bildiyiniz kimi, Mahir Emreli Slovakiya ilə oyunda qırmızı vərəqə aldığına, Emin Mahmudov isə zədəli olduğuna görə bu oyunu buraxmalı olacaqlar.
Belə itkilər fonunda, görəsən, Estoniyanı nəyin hesabına uda bilərik? “Football-plus.az”ın bu sualına təcrübəli menecer Erkin İbrahimov cavab verdi:
“Qələbə qazanmalıyıq. Keyfiyyət baxımdan daha irəlidə olan kollektivik. Estoniya millisini məğlub etməməyin heç bir adı yoxdu. İlk oyundakı məğlubiyyətin əvəzini çıxmalıyıq. İki yox, 12 oyunçumuz da olmasa, Estoniya kimi zəif rəqibi məğlub etməliyik. Fernando Santuş 6 illik plandan danışır. Bunlar çox yaxşıdı. Evdə heç-heçə belə mənə görə faciə sayılacaq”.
Xatırladaq ki, Azərbaycan – Estoniya oyunu saat 18.00-da start götürəcək.
ƏSƏD SEYİDOV
Digər xəbərlər
