“Neftçi”dən ayrılıb “Sumqayıt”la müqavilə imzalayan mütəxəssis kimdi? – AÇIQLAMA
Vaqif Cavadov oktyabrın 14-də müvəqqəti “Sumqayıt”ın baş məşqçisi vəzifəsinə gətirildi. Onun nə vaxta qədər bu vəzifəni icra edəcəyi açıqlanmadısa, köməkçiləriylə bağlı bəzi məsələlər də qaranlıq qaldı.
Düzdü, “kimyaçılar”ın məşqçilər korpusunda futbolçu karyerasını bitirən Vurğun Hüseynovla Şahin Abdullayev var. Lakin üçüncü köməkçi məşqçi və qapıçılar üzrə məşqçi ilə bağlı konkret qərar yoxdu.
Bəs bu yöndə hansı addımların atılacağı gözlənilir?
“Football-plus.az”ın sualını “Sumqayıt”ın mətbuat xidmətinin rəhbəri Zaur Xudiyev cavabladı:
“Əvvəl “Neftçi”dən çalışan qapıçılar üzrə məşqçi Emil Babayevlə danışıqlarımız müsbət yekunlaşıb. Tezliklə iş başında olacaq. Başqa təyinat gözlənilmir”.
KƏNAN BAHADIR
Digər xəbərlər
