Samir Abasovun “Neftçi”yə keçidinin ardınca “Sumqayıt” Vaqif Cavadovla anlaşdı. “Kimyaçılar”ın əvəzedicilərinin sabiq baş məşqçisi indi əsas komandanı çalışdıracaq.

Yeni baş məşqçinin köməkçilərinin də adına aydınlıq gəlib. Ona “Kəpəz”in sabiq kapitanı, bir neçə həftə əvvəl futbolçu karyerasını bitirən Vurğun Hüseynov və Şahin Abdullayev yardım edəcək. Üçüncü köməkçi məşqçi və qapıçılar üzrə məşqçi ilə bağlı isə konkret qərar yoxdu.

Bu barədə “Football-plus.az”a “kimyaçılar”ın mətbuat xidmətinin rəhbəri Zaur Xudiyev məlumat verib. O, Şahin Abdullayevin İngiltərədə idman menecmenti təhsili aldığını, əvvəllər “gənclik şəhəri”nin təmsilçisinin skaut bölməsində çalışdığını və B kateqoriyalı məşqçi olduğunu bildirib. Fiziki hazırlıq üzrə məşqçi isə Cerrard Berbardodu.

Zaur bəyin sözlərinə görə, əvəzedici komandanın müvəqqəti baş məşqçisi Vaqif Cavadovun sabiq köməkçisi Tural Rzayev olacaq.

KƏNAN BAHADIR