Mövsümün əvvəlində icarə əsasında ''Qalatasaray''dan ''Lion''a keçən Uilfrid Zaha ilə bağlı yeni iddia ortaya atılıb.

Fransanın ünlü ''Ekip'' nəşrinin xəbərinə görə ''Lion'' qışda təcrübəli futbolçu ilə yollarını ayıraraq onu ''Qalatasaray''a geri göndərə bilər. 31 yaşlı futbolçu Fransaya yollandığı gündən bu yana nə fanatlarla ulduzu barışır, nə də baş məşqçi Pyer Saj ilə. Sajın sisteminə uyğunlaşmaqda çətinlik çəkən Zaha tez-tez ehtiyatda qalır. Bir ara o ümumiyyətlə əsas komandadan kənarlaşdırılmışdı! ''Lion''da hələ də qol hesabını aça bilməyən Zaha 5 rəsmi oyunda aktivinə yalnız 1 məhsuldar ötürmə yazıb. Kot d'İvuarlı futbolçu geri dönəcəyi təqdirdə diqqətlər ''Cim-Bom''un çalışdırıcısı Okan Buruka yönələcək.

Amma iddialara görə Buruk Zahanın geri dönməsinin əleyhinə deyil. Özü də nəzərə alaq ki komanda İkardi kimi hücumda əsas silahlarından birini mövsümün sonuna qədər itirib. Zaha ötən mövsüm ''Qalatasaray''da 43 rəsmi oyunda iştirak edərək 10 qol, 5 məhsuldar ötürməlik performans sərgiləmişdi.

ƏLİ