''Burda hər kəs bir yarışın içindədi. Əsas heyətdə oynamaq üçün daha artığını etmək lazımdı''. Bu arada Zahanın srağagünkü paylaşımı diqqət çəkdi. O, ''instaqram''ın hekayə bölümündə ''bu hörmətsizlik qarşısında özümü gülməkdən saxlaya bilmirəm. Amma mənim savaşımı Tanrı verəcək, mən yox'' ifadəsini yazdı. Əvvəlcə güman olundu ki, bu sözlər Okan Buruka ünvanlanıb. Amma Zahanın çərşənbə axşamı məşqdə əhval-ruhiyyəsi qaydasında idi. Bu paylaşım isə məşqdən 7-8 saat sonra edildi. Ona görə də bu sözlərin tam olaraq kimə ünvanlandığı bilinmədi. Zaha indiyə qədər ''Qalatasaray''da 18-i start heyətində olmaqla 34 rəsmi oyunda forma geyib və 10 qol, 4 məhsuldar ötürməlik performans sərgiləyib.