Uilfrid Zahanın ''Qalatasaray'' karyerası başa çatmaq üzrədi.

Bilindiyi kimi təcrübəli futbolçu superliqanın ilk turunda ''Hatayspor'' ilə oyunda iştirak ərizəsinə salınmamışdı. Baş məşqçi Okan Buruk kot d'İvuarlı ulduzun premyer-liqaya qayıtmaq istədiyi və bu üzdən ozunü riskə atmaq istəmədiyini vurğulamışdı.

Zahanın hansı kluba keçməyə yaxın olduğu bəlli olub. Onun sabiq klubu ''Kristal Pelas''dan başqa bu futbolçuya ən ciddi maraq göstərən klub ''Lester''di. Çempionşipi çempion kimi tamamlayaraq premyer-liqaya yüksələn ''tülkülər'' ''Qalatasaray''ın tələb etdiyi 9 milyon avronu ödəməyə hazırdı. Danışıqlar davam edir. ''Cim-Bom'' ilə 2026-cı ilə qədər müqaviləsi olan vinger ötən mövsüm bir çox oyunda əsas heyətə düşə bilmədi. Zaha indiyə qədər ''sarı-qırmızılar''da 43 rəsmi oyunda 10 qol, 5 məhsuldar ötürmə ilə fərqlənib. O, bu 43 oyunun yalnız 20-də start heyətində meydana çıxıb.

ƏLİ