“Səbail” Cavid Hüseynovu nə vaxt təqdim edəcək? – rəhbərlik açıqladı
Ölkə çempionatının 13-cü turunun maraqla gözlənilən “Səbail” - “Turan Tovuz” qarşılaşması (1:1) geridə aldı. Artıq “dənizçilər” yeni baş məşqçinin kimliyini açıqlamalıdı. Axı “Turan Tovuz”da Kurban Berdıyevin köməkçisi kimi çalışan Cavid Hüseynovla danışıq aparan “Səbail”in məhz bu rəqiblə qarşılaşmadan sonra təyinatı açıqlayacağı deyilmişdi. “Səbail” rəhbərliyinin gözləməyə elə də çox vaxtı yoxdu.
Bəs klub Cavid Hüseynovun təyinatını nə vaxt ictimaiyyətə açıqlayacaq?
“Səbail”in Müşahidə Şurasının üzvü Firuz Abdulla “Football-plus.az”ın sualına belə cavab verdi:
“Yaxın günlərdə ictimaiyyətə məlumat veriləcək. Hələ ki rəsmi təyinat olmadığı və müqavilə imzalanmadığı üçün hansısa mütəxəssisin adını çəkmək etik olmazdı”.
RÖYANƏ OĞUZ
