“Səbail” yeni baş məşqçisini nə vaxt açıqlayacaq? – klub rəsmisi dedi
Məlum məsələdi ki, “Səbail” müvəqqəti U-19 komandasının çalışdırıcısı Elvin Məmmədova tapşırılıb.
Müşahidə Şuraının dünən keçirilən iclasında bu yöndə müzakirələr aparılıb. Yeni baş məşqçi seçimində tələsmək istəməyən “dənizçilər”in rəhbərliyi böyük ehtimalla “Turan Tovuz”la qarşılaşmanı gözləyir. Axı indiki vaxtda Cavid Hüseynovu rəqib klubdan bura gətirmək 2+2 deyil. Təbii ki, favorit Cavid Hüseynovdu və hər kəs səbirsizliklə təyinatın nə vaxt açıqlanacağını gözləyir.
Maraqlıdı, “Səbail” yeni baş məşqçinin növbəyti oyuna qədər ictimaiyyətə açıqlayacaqmı? Klubun mətbuat xidmətinin rəhbəri Rəşad Məmmədov “Football-plus.az”ın sualını belə cavabladı:
“Baş məşqçi məsələsi ilə bağlı hələ konkret nəsə yoxdu. Komandanı müvəqqəti U-19-un baş məşçisi Elvin Məmmədov hazırlayır. Təyinat nə vaxt olsa, onda da məlumat verəcəyik. Hələ ki Elvin Məmmədov komandanı məşqə çıxarır”.
RÖYANƏ OĞUZ
