Çempionlar Liqasının “Srvena Zvezda” ilə oyununda 5:2 hesablı qələbə “Barselona”ya bir oyunçusunu itirmək bahasına başa gəlib. Pau Kubarsi ciddi zədə alıb.

İspaniya klubunun mətbuat xidmətinin yaydığı xəbərə görə, 17 yaşlı futbolçu üzündən xəsarət alıb. 65-ci dəqiqədə rəqibin futbolçusu top uğrunda mübarizə zamanı Kubarisinin üzünə təpiklə vurub. Bir andaca sifəti qana boyanan yeniyetmə futbolçu dərhal əvəzlənib. Xəstəxanaya aparılan Paunun üzünə 10 tikiş vurulub.