Karyerasını İspaniya nəhəngi ''Barselona''da davam etdirən İlkay Gündoğandan üzücü xəbər gəlib.

"Football-plus.az"ın məlumatına görə, La Liqada 18-ci turdan sonra 38 xalla 3-cü pillədə qərarlaşan Kataloniya nəhəngi növbəti oyununu yanvarın 4-də ''Las Palmas''a qarşı keçirəcək.

Komanda bu matça hazırlığını davam etdirir. Dünənki səhər məşqindən öncə futbolçular trenajor zalına yollandılar. Burda türkəsilli almaniyalı futbolçu ağırlıq qaldırarkən diqqətsizliyə yol verdi və başından xəsarət aldı. Onun başından qan açıldığından ''Barsa''nın tibbi personalı dərhal müdaxilə etməli oldu. 33 yaşlı futbolçunun başına 4 tikiş atıldı. Amma belə güman olunur ki, Gündoğan ''Las Palmas''a qarşı oyunda meydanda olacaq.

Təcrübəli futbolçunun bu mövsüm ''blauqrana''nın heyətində 24 rəsmi oyunda 2 qol, 6 məhsuldar ötürmə ilə yadda qaldığını bildirək.

ƏLİ