Fermin Lopes “Barselona”da daha uzun müddət oynayacaq. Gənc futbolçu klubu ilə yeni müqavilə imzalayıb.

İspaniya klubunun mətbuat xidmətinin məlumatına görə, 21 yaşlı yarımmüdafiəçi ilə bağlanan yeni müqavilənin müddəti 2029-cu ilə qədər nəzərdə tutulub. Yeni sözləşmədə futbolçunun satış qiyməti 500 milyon avro müəyyənləşdirilib.

Qeyd edək ki, müqavilənin bu bəndi sonradan Ferminlə klub arasında reallaşacaq razılıq əsasında dəyişə bilər.

Qeyd edək ki, bu mövsüm Fermin “Barselona”da 6 oyuna çıxıb və 2 məhsuldar ötürmə verib. Onun indiyədək komandada bütün turnirlərdə keçirdiyi 48 oyunda 11 qol vurub 3 məhsuldar ötürmə verdiyini də bildirək.