“Real”da ciddi itkilər var.

Rodriqo Qoes ilə Tibo Kurtua zədələniblər.
23 yaşlı hücumçu və 32 yaşlı qapıçı Çempionlar Liqasının Dortmund “Borussiya”sı ilə matçında sıradan çıxıblar. Hər iki oyunçu bir müddət yaşıl meydanlardan kənarda qalacaq. Kurtua və Rodriqonun La Liqanın 11-ci turunun “Barselona” ilə oyununu buraxacaqları da açıqlanıb. Klubun yaydığı məlumata görə, Kurtua La Liqada “Valensiya”, Çempionlar Liqasında “Milan”la matçlarda da iştirak edə bilməyəcək.

Qeyd edək ki, “Real” – “Barselona” matçı oktyabrın 26-da Madriddə keçiriləcək. “El Klasiko” saat 23.00-da başlayacaq.