Mövsümə heç də pis başlamayan ''Beşiktaş''ı qarşıda iki mühüm oyun gözləyir.

Covanni van Bronkhorstun komandası oktyabrın 24-də Avropa Liqasının əsas mərhələsinin 3-cü turunda ''Lion''un, oktyabrın 28-də isə Türkiyə çempionatının 10-cu turunda ''Qalatasaray''ın qonağı olacaq.

Bu matçlardan öncə İstanbul nəhəngi faktiki olara qapıçısız qalıb. Mərt Günok son turda ''Konyaspor''la oyunda əvvəldən sona qədər meydanda olsa da, bazar ertəsi baş tutan tibbi müayinə zamanı onun sol çiyin əzələsində problem aşkarlanıb. Bu üzdən təcrübəli qapıçı həm ''Lion'', həm də ''Qalatasaray''a qarşı oyunları buraxmalı olacaq. Hərçənd Türkiyə yığmasının üzvünün derbiyə qədər cüzi də olsa, durumunun normallaşması ehtimalı var. Məsələni qəlizləşdirən məqam odu ki, ikinci qapıçı Ərsin Destanoğlu da zədəlidi! O, ''Ayntraxt''la oyunda zədələndiyi üçün son iki rəsmi matçda iştirak ərizəsində yer almamışdı.

İndi sual çıxır ki, ''ağ-qaralar''ın qapısını kim qoruyacaq? Van Bronkhorstun əlinin altında iki təcrübəsiz qapıçı qalıb. Bunlardan biri 18 yaşlı Əmir Yaşar, digəri 20 yaşlı Göktuğ Baytəkindi. Təbii ki, onların heç biri əsas komandada debüt etməyib. Göktuğ nisbətən təcrübəlidi və 2021/22-dən bu yana adı bir neçə dəfə iştirak ərizəsinə düşüb. Ona görə də hər iki matçda qapının ona həvalə ediləcəyi gözlənilir.

ƏLİ