“100-cü titul bonus olardı”
Yannik Sinnerin Şanxayda keçirilən ATP 1000 seriyalı turnirin finalında Novak Cokoviçi məğlub etdiyini xəbər vermişdik.
37 yaşlı Cokoviç bazar günü cari mövsümdə 3-cü dəfə finalda uduzdu. Bununla da titul sayını 100-ə çatdırmaq imkanını əldən verdi. Ancaq serbiyalı ulduz buna görə o qədər də məyus deyil:
“Bu baş versəydi, bonus olardı. Əlbəttə, məhz bu gün 100-cü titulu qazanmaq istəyərdim, sadəcə, qismət deyilmiş. Yaxın gələcəkdə tutul qazanmaq cəhdlərimi davam etdirməliyəm. Ancaq bu, mənim üçün olum-ölüm məsələsi deyil. Düşünürəm ki, karyeram boyunca ən yüksək hədəflərimə çatmışam. İndi mən “Böyük dəbilqə” turnirlərinə və özüm üçün hədəfləri daha nə qədər yüksəldə biləcəyimə köklənmişəm”.
Xatırladaq ki, serbiyalı tennisçi karyerası boyunca “Böyük dəbilqə” seriyalı 24, “Masters” eriyalı 40 turnir qazanıb. Ümumiyyətlə, fərdi hesabda 99 titulu olan Cokoviç ATP reytinqinin 4-cü pilləsində qərarlaşıb.
Digər xəbərlər
