“Kumirim Nadaldı, ancaq Federer kimi oynamaq istəyirəm”
İspaniyalı tennisçi Karlos Alkaras “Böyük dəbilqə” turnirlərinin 20 qat qalibi, isveçrəli Rocer Federer kimi oynamaq istədiyini etiraf edib:
“Dəfələrlə demişəm ki, oyunum Rocerin oyununa daha çox oxşayır, onun kimi oynamaq istəyərdim. Həmçinin heç olmasa, bir dəfə ona qarşı oynamaq istəyirəm, bunu edəcəyimə ümidliyəm. Kumirim Rafael Nadaldı, ancaq yalan demirəm, həqiqətən də Federer kimi oynamaq istəyirəm. Onun üslubu və kortdakı incəliyi qeyri-adidi”.
20 yaşlı Alkarasa dünyanın ikinci raketkasıdı. O, 2019-cu ildən bəri peşəkar turnirlərdə çıxış edir. Karyerası boyunca artıq iki “Böyük dəbilqə” turnirini (ABŞ Açıq Çempionatı-2022 və Uimbldon-2023) qazanıb.
Bu arada dünyanın birinci raketkası – serbiyalı Novak Cokoviç ABŞ-ın Mayami şəhərində keçiriləcək turniri buraxmağa qərar verib. 36 yaşlı idmançı vaxtını qrunt mövsümünə hazırlığa sərf etməyi planlaşdırır. Mayamidə keçiriləcək “Masters” seriyalı turnir martın 20-də start götürəcək və 31-də başa çatacaq. “Böyük dəbilqə” turnirlərinin 24 qat qalibi olan Cokoviç Mayamidə sonuncu dəfə 2019-cu ildə çıxış edib.
Digər xəbərlər
