Millətlər Liqasında İspaniyanın öz meydanında Serbiyanı 3:0 hesabı ilə məğlub etdiyi qarşılaşmada diqqətçəkən, hətta tarixi bir hadisə qeydə alındı.

Belə ki, İspaniyanın start heyətində ''Real'', ''Barselona'' və ''Atletiko''dan heç bir futbolçu yer almadı. Bu hadisə İspaniya yığmasının tarixində son 96 ildə ilk dəfə, ümumilikdə isə cəmi 4-cü dəfə baş verdi!

İspaniyanın start heyətində ''Real'', ''Barselona'' və ''Atletiko''nun futbolçusu olmadan keçirdiyi əvvəlki hər üç qarşılaşma 1928-ci ilin Olimpiadasına təsadüf etmişdi. Çünki həmin vaxt ''buğalar''ın heyətində yalnız əslən basklı futbolçular çıxış edirdi. Maraq üçün bildirək ki, Serbiya ilə oyunun ilk ''11-liy''ində ''Tottenhem'', ''Atletik'', ''Əl-Nəsr'', ''Çelsi'', PSJ, ''Vilyarreal'', ''Milan''ın hərəsindən bir, ''Arsenal'' ilə ''Real Sosyedad''ın hərəsindən iki futbolçu yer almışdı.

ƏLİ