“Urfan 300-cü oyununu 6-cı turda “Kəpəz”ə qarşı keçirib. Ondan sonra komandamız səfərdə “Turan Tovuz”la oynadı. Növbəti ev matçımız isə “Səbail”lə oldu və Sumqayıtda keçirildi. Planlaşdırmışdıq ki, həmin matçdan əvvəl həm Urfana, həm də 100 oyun keçirmiş Vadim Abdullayevə forma hədiyyə edək. Amma “Səbail”lə oyun sentyabrın 27-də - Anım günündə keçirildiyinə və oyundan əvvəl birdəqiqəlik sükut elan olunduğuna görə bu təqdimatı təxirə saldıq. Sonrakı oyunumuz yenə səfərdə oldu. Dünən Urfanın doğum günü idi. Məşqdən əvvəl həm doğum gününü qeyd etdik, həm də hədiyyəsini təqdim etdik. Yəni hədiyyə üçün mütləq deyil ki, oyun keçirilsin. Belə hadisələri qeyd etmək üçün hansısa protokol qaydası nəzərdə tutulmayıb. Vacib olan futbolçunu qiymətləndirmək, diqqətdə saxlamaqdı ki, klub da bunu edir”.