Bir günlük istirahətin ardından “Araz-Naxçıvan” məşqlərini bərpa edib.

"Football-plus.az" xəbər verir ki, əvvəlcə dünən doğum gününü qeyd edən Urfan Abbasova kollektiv adından təbriklər çatdırılıb, klubun icraçı-direktoru Eldəniz Yusubov tərəfinən üzərinə “300” yazılmış forma hədiyyə olunub. Təcrübəli futbolçu 6-cı turda “Kəpəz”lə baş tutan matçda Misli premyer-liqasında 300-cü oyununu keçirib.

Daha sonra komanda isinmə hərəkətlərinə başlayıb, ardınca isə taktiki çalışmalar yerinə yetirib. Zədəli olan Ramin Nəsirli və reabilitasiya prosesi keçən Karlos Jatoba məşqdə iştirak etməyib.

Qeyd edək ki, “Araz-Naxçıvan” 10-cu turda “Şamaxı” ilə qarşılaşacaq. Oyun oktyabrın 19-da, saat 15.30-da Şamaxı şəhər stadionunda keçiriləcək.