“Bəli, planlaşdırmışdıq ki, oktyabrda "Qəbələ" ilə oyunu öz meydanımızda keçirək. Meydançanın vəziyyəti normaldı, amma istifadə üçün tam yararlı deyil. Yəni orda "Qəbələ"ni qəbul edə bilərik, amma ot örtüyünün pis vəziyyətə düşmək ehtimalı var. Həmin oyundan sonra da bizə problem ola, yenidən fasilə yarana bilər. İstəyirik ki, tam bərpa olunsun, ondan sonra bütün ev oyunlarımızı orda keçirək. Planlaşdırdıq ki, işlər noyabrda yekunlaşar. Düşünürəm ki, noyabrın sonuna, yəni "Qaradağ Lökbatan"la ev oyununa hazır olar. "Qəbələ" ilə ev və səfər oyunlarının yerini dəyişməklə bağlı danışıq gedir. Çalışırıq yerini dəyişək, növbəti çempionat oyununu meydançamızda keçirək. Daha sonra da bütün ev oyunları doğma stadionunda baş tutacaq. Saatlıda və ya başqa yerdə oynamaq, əlbəttə, bizə azarkeş baxımından təsir edir. Oyunları izləməyə gələn insanların sayında xeyli fərq hiss olunur. Düzdü, komandamıza maraq böyükdü. İddialılar sırasında gedirik. Yaxşı heyətimiz var, bu il kollektivə güclü futbolçular cəlb etmişik. Azarkeşlərin tam dəstəyini öz stadionunumuzda gözləyirik. İnsanları da qınamaq olmur, əlavə xərc çəkib uzaq məsafə qət etmək maddi baxımdan çətindi. O səbəbdən öz meydanımızda dəstək gözləyirik. Düşünürəm ki, möhtəşəm açılış edəcəyik”.