“Qələbə qazanmalı olduğumuz oyunda məğlubiyyətlə üzləşdik. Başlıca səbəb bizimlə müqayisədə rəqibin rotasiya imkanlarının geniş olmasıdı. Bizim legionerlərimiz parketdə keçirməli olduğu oyun dəqiqələrindən daha çox mübarizə aparmalı olurdular. Bu, sadə riyaziyyatdı. Rəqib 11, biz isə 7 basketbolçu ilə mübarizə apardıq. Təəssüf ki, yerli basketbolçuların səviyyəsi baxımından rəqiblərimizdən geri qalırıq. Bu baxımından bəzən oyunda daha çox qalan oyunçumuzu əvəzləmək imkanlarımız məhduddu. Buna baxmayaraq, hələ yolun başlanğıcındayıq. Qarşıda 5 oyun var. Hər həftə oyuna çıxacağıq. Ardıcıl 3 ev görüşümüzdə çox xal toplamalıyıq. Oyunu təhlil edib, səhvlərimizdən nəticə çıxararaq qarşıdakı matçlara daha yaxşı hazırlaşacağıq. Basketbolsevərləri uğurlu nəticələrlə sevindirmək üçün əlimizdən gələni edəcəyik”.