Milli komandaların oyunları ilə bağlı yaranmış fasilə ilə əlaqədar üç gün istirahət edən "Araz-Naxçıvan" üzvləri məşqlərini bərpa edib.

"Football-plus.az" xəbər verir ki, fasilədən sonra ilk məşq yüngül təmrinləri yerinə yetirməklə keçib.

Vadim Abdullayev Azərbaycan, Kristian Avram isə Moldova millisinin düşərgəsində olduğuna görə, hazırlıq prosesinə qatılmayıblar. Onlardan başqa, zədəli Ramin Nəsirli və reabilitasiya prosesi keçən Karlos Jatoba komandaya qoşulmayıb.

Qeyd edək ki, "Araz-Naxçıvan" Misli premyer-liqasının 9 turundan sonra 17 xal toplayıb və sıralamada 3-cüdü. Komandanın ehtiyatda 1 oyunu da var.