Ölkə kubokunun 1/4 final mərhələsinin cavab matçında sabah “Qəbələ” ilə qarşılaşacaq “Araz-Naxçıvan” bu gün Qəbələ şəhər stadionunun ehtiyat meydanında oyunöncəsi son məşqini keçib.

"Football-plus.az" xəbər verir ki, təxminən 1 saat davam edən taktiki-texniki məşq prosesində müalicəsini davam etdirən Abdulla Rzayev iştirak etməyib. Əvəzində İqor Ribeyro və Ramin Nəsirli kollektivə qoşulub. Hər iki futbolçu baş məşqçinin şans verəcəyi təqdirdə sabahkı görüşdə iştirak etmək gücündədi.

Qeyd edək ki, “Qəbələ” – “Araz-Naxçıvan” oyunu fevralın 9-da, saat 16.00-da Qəbələ şəhər stadionunda keçiriləcək.