Sentyabrın 8-də Lixtenşteyn ilə məhsuldar heç-heçəyə (2:2) razılaşan Cəbəllütariq yığması evdəki növbəti oyununda qələbə qazandı.

San Marinoya minimal hesabla qalib gələn uruqvaylı Xulio Ribasın çalışdırdığı komanda oyun planında heç də üstün olmadı. Rəqiblər bir-birinin qapısına hərəyə iki dəqiq zərbə endirdilər. Sadəcə, olduqca kobud axarı (hakim oyunçulara ümumilikdə 11 sarı vərəqə gstərdi) ilə yadda qalan matçda Britto birsaatlıq mübarizə arxada qalandan sonra hesabı açmağı bacardı. Cəbəllütariqdə ilk qələbə ilə qrupda liderliyi ələ aldı.

D liqası, 1-ci qrup
Cəbəllütariq - San Marino 1:0 (0:0)
Cəbəllütariq: Banda, B.Lopes, Jolley (Poso, 90+3), Olivero, Britto, Annesli, Uoker, Torrilya, Bent, Skanyon (Ronan, 77), De Barr (Bartolo, 88).
San Marino: Kolombo, Sevoli, Tosi (T.Benvenuti, 81), Rossi (Valentini, 28), C.Benvenuti (Fabbri, 81), Mikael Battistini, Kontadini, Zannoni (Latsari, 70), Kazadey, Berardi (Sensoli, 69), Nanni.
Qol: Britto, 62.
Vərəqələr: Tosi, 10. Kazadey, 15. De Barr, 17. Britto, 23. Zannoni, 59. Mikael Battistini, 63. Latsari, 75. Torrilya, 78. T.Benvenuti, 83. Sensoli, 87. Kontadini, 90+3 - sarı.
Hakim: Feliks Svayer (Almaniya).
10 oktyabr. Cəbəllütariq. 677 tamaşaçı.

1. Cəbəllütariq 2 1 1 0 3-2 4
2. San Marino 2 1 0 1 1-1 3
3. Lixtenşteyn 2 0 1 1 2-3 1
13 oktyabr: Lixtenşteyn - Cəbəllütariq.